كتبت حبيبة القاضي.
مقال له علاقة: كندة علوش تحتفل بعيد ميلاد ياسمينا العبد في كواليس فيلم ابن النصابة مع فريق العمل
خرجت الفنانة هدى المفتي لترد على الشائعات التي انتشرت مؤخرًا حول ارتباطها، مؤكدة أن كل ما يُقال غير صحيح، ونفت تمامًا ما تردد بشأن خطوبتها.
تصريحات هدى المفتي
وقالت خلال لقائها مع الإعلامية إسعاد يونس في برنامج «صاحبة السعادة»: «عارفة إنه طالع عليا إشاعة غير صحيحة، وهي إني اتخطبت أو هتخطب، لو اتخطبت هقول، وأكيد مش هخبي، ونفرح كلنا مع بعض»
وأضافت: «مش عارفة مين بيطلع الإشاعات دي، ومعرفش ليه، بس أنا حاليًا مركزة جدًا في شغلي، دي فترة حاسمة في حياتي، وهدفي إني أأسس نفسي، وأثبت نفسي، وأكسب حب الناس، لأن شغلي هو رقم واحد في حياتي»
وخلال الحوار، سألتها إسعاد يونس ممازحة: «بصتك دي بتقول إنك في قصة حب؟!»
لترد هدى بابتسامة: «لسه.. لو القصة كملت أكيد هيبقى في حاجة جد، لو مكملتش خلاص»
“ماجليش عريس في حياتي كلها”
وتابعت الفنانة هدى المفتي عبر تصريحاتها التلفزيونية: «أنا عمري ما جالي عريس في حياتي كلها، لا قريب ولا غريب، مفيش راجل جه اتقدملي بشكل حقيقي، يمكن بيخافوا مني ولا حاجة، كل اللي بيجيلي مسدجات على الفيس بوك والانستجرام»
وأشارت إلى أن والدها كان يؤمن بأن: «الست مش محتاجة تتجوز إلا لو هي عايزة، مش لازم تتجوز عشان المجتمع»، مضيفة: «ماما كانت تقعد تقولي: طيب يا هدى مفيش حد خالص؟! وهي وبابا كانوا عكس بعض في مسألة الجواز دي»
أول قصة حب.. درس مؤلم
وأوضحت أن أول قصة حب في حياتها كانت في عمر الـ17 عامًا، لكنها لم تكن موفقة على الإطلاق، بل شكّلت لها درسًا مؤلمًا غيّر من طريقة تفكيرها ونضجها العاطفي، وتابعت: «كانت أول علاقة في حياتي، لكن الخلافات والصراعات اللي كانت فيها أكبر مني ومنه، وأثرت عليا نفسيًا بشكل كبير، واتعلمت إن فيه حاجة اسمها احترام، ومسافات، وفيه حاجة اسمها أنا، وفي حاجة اسمها أنت، مش كل حاجة تبقى أنت بس»
وأكدت أنها لا تود الحديث عن تفاصيل تلك العلاقة أو ذكر اسم الشخص، لأنها تجاوزتها نفسيًا بالكامل، وقالت إنها انتهت منها خلال شهرين ونصف فقط.
حقيقة علاقتها بأغنية “البخت”
وكشفت الفنانة هدى المفتي لأول مرة علاقتها بأغنية “البخت”، قائلة: «الأغنية مش ليا، كان موقف غريب جدًا ويضحك، بداية الحكاية إن واحدة صاحبتي من الشلة بتاعة المدرسة القريبين مني ضيعت تليفونها اللي عليه صور وفيديوهات، كانت متوترة أوي، وطول الوقت: تليفوني ضاع واتسرق وعليه صورنا وإحنا صغيرين وإحنا في البحر
أنا كنت نايمة وعندي تاني يوم تصوير إعلان، ولازم أصحى 6 الصبح، وأنا نمت من 9، صاحية من النوم ببص في التليفون لقيت 300 حاجة وستين إشعار، ونصهم على تويتر.
أنا كنت سامعة صوت قلبي ومش راضية أفتح، وعمالة أفكر أنا عملت إيه؟ وبعدين قلت: أه، تليفون صاحبتي، ونزل صورة أو أي حاجة، بعدين قلت: مش هفتح تويتر، أنا هفتح إنستجرام، لقيت رسايل كتير، فتحت، كان فيه صفحات حقوق المرأة وكاتبين (لو عايزة نتكلم في الموضوع)
قلت في حاجة أكيد، أنا ممكن ظهرت مع صحابي في فيديو، قلت حاجة ولا لفظ مثلًا وإحنا بنهزر، اترعبت».
وأضافت: «الشخص الوحيد اللي كان هيبقى صاحي هي حبيبة من فريق العمل بتاعي، اللي كانت جاية معايا تصوير الإعلان، كلمتها وسألتها: في إيه؟، راحت قالتلي: في أغنية نازلة والناس كلها بتقول إنها متغنيالك
سألتها: هل هو قال “هدى”؟ قالت لي: لأ
قلت: طب ليه الناس بتقول إنها ليا أنا؟، قالتلي: اسمعي الأغنية لذيذة
مكنتش قادرة أسمع الأغنية من كتر ما أنا خايفة، وبعدين دخلت أتفرج أشوف مكتوب إيه، بس الأغنية مش ليا خالص، ومش عارفة ليه الناس نسبوها ليا.
نفسي أعرف مين طلع الإشاعة دي، إحنا كنا بنصور مع بعض مسلسل “بيمبو”، وعلاقتنا كويسة، نعرف بعض، إحنا معارف، ممكن نكون صحاب، بس مش مقربين، حوالينا أصدقاء مشتركين كتير، ونعرف بعض كويس، وأنا بحترمه جدًا، هو فنان موهوب».
واستكملت هدى المفتي: «ويجز فنان خطير وموهوب، بس أغنية البخت ملهاش علاقة بيا، وصحيت من النوم لقيت رسائل على إنستجرام وإكس!
من نفس التصنيف: إيرادات فيلم المشروع X تتجاوز 3 ملايين جنيه في ليلة واحدة مع تقنيات عرض مبتكرة عالميًا
وبكرر للمرة التانية: الأغنية مش ليا نهائي، وأنا وهو معارف بس، أصحاب قريبين مش أكتر»
مواصفات فتى أحلام هدى المفتي
وعن مواصفات فتى أحلامها، قالت هدى المفتي: «يكون ذكي، طموح، عنده شغف بشغله، بيحترم الأسرة، ويدعمني، ويقدّرني، عايزة نسهّل على بعض الحياة»
وشدّدت في نهاية اللقاء على رفضها الكذب أو التصرفات التي تُقلّل من شأنها، مشيرة إلى أن الأمان والاحترام هما أساس أي علاقة ناجحة في حياتها القادمة.
تعليقات