انفعل نقيب المهن الموسيقية في مواجهة ساخنة على الهواء مع الفنان راغب علامة حول أزمة حفل الساحل.
اقرأ كمان: هند صبري تتصدر الترند بترحيلها وآراء مثيرة على مواقع التواصل الاجتماعي.. تعرف على القصة الكاملة!
راغب علامة.
تصريحات نقيب الموسيقين
أكد نقيب الموسيقيين خلال مداخلة هاتفية مع الإعلامية نهال طايل في برنامج «تفاصيل» على قناة صدى البلد 2، أن النقابة لم تتجاوز في هذه الأزمة، موجها حديثه لراغب علامة بقوله «أهلا بيك وأرجوك أن تسامحني أنا بغير على بلدي وبحبها وبفتخر بيها وبخاف على القامات الكبيرة اللي زيك، حاولنا معالجة الأمر، لكن أن يظهر مرتزقة يحاولون استغلال الموقف هذا لن أقبله، ولن أقبل أن يزايد أحد على النقابة، ويجب التفريق بين قرار الاستدعاء والمنع والشطب، لدينا لغة تسمى إيقاف التصريح، يعني مش هدي لحضرتك قرار كتبه موظف وفيه أخطاء إملائية وأنا طلعت اعتذرت عنه».
راغب علامة ومصطفى كامل.
اقرأ كمان: نجيب الريحاني أيقونة الكوميديا الخالدة وعودة ابنته إلى الساحة الفنية
محاولات لحل الأزمة
وواصل قائلًا: «كلنا أشقاء ومفيش عنصرية، ما يحدث هو إخطار المطرب أن هذا لا يتناسب مع القانون، بأكد تاني بلدي محصلش فيها هذا الموقف، ما حدث ليس تحقيقًا أو منع الأزمة التي حدثت، فهي ليست أزمة صغيرة وليس قليلا واللي بيهونوا مش عايز أغلط فيهم، هذه أزمة وكنا نحاول حلها بشتى الأمور في إطار الاحترام زي ما بنحترم لبنان والرياض وكل الدول العربية، مسرح مصر لازم يحترم زي كل المسارح، هل ما حدث بحفلة الساحل حدث بأي دولة عربية، بتهونوا إيه؟؟ بعتذر للمشاهدين وللكل أنا منفعل وزعلان بجد، مينفعش نشوف مشكلة كبيرة ونسخر منها إحنا نبقى لا نستحق الحياة، لما نغلط لازم نعترف»
دور الجهة التنظيمية
ومن جانبه رد النجم راغب علامة على تصريحات الفنان مصطفى كامل، نقيب الموسيقيين قائلا «بمسي عليك يا نقابة ده صديقي، بقول ليك دور النقابة تحميني لا تأذيني، دور النقابة لو حصل حاجة غلط تكلم الجهة التنظيمية وتقول ممنوع حد يطلع على المسرح، مش دوري أقول لحد ينزل من على المسرح، أنا أهلا وسهلا بكل معجب وكل معجبة اللي عايز يسلم اللي عايز يحضن، أنا بتصرف زي ما في بلدي وبعتبر العادات المصرية واللبنانية زي بعض بالظبط».
قرار منع الغناء قرار إعدام
وتساءل علامة «أنا إيه الجريمة اللي ارتبكتها؟ قرار منع الغناء قرار إعدام؟ أنا بحب مصطفى كامل جدا، يمكن فيه خلاف في وجهات النظر، أنا سألته لما الفنان يعمل غلط قولي الغلط بتاعه إيه؟؟ إنه كان لطيف مع الناس وبيتعامل معاهم بمحبة؟ المفروض النقابة تحميني أنا؟ فين الجريمة؟ بمصر هوليود الشرق؟ وأول حاجة أعملها لما أنزل الأسبوع الجاية هروح نقابة الموسيقيين دي بيتي، أنا زعلت إن محدش كلمني، كان المفروض أعمل إيه في الموقف دا؟ الجريمة اللي ارتكبتها إيه؟ واحدة أتصورت على المسرح؟».
تعليقات