أخيرًا وبعد انتظار طويل أعلنت محافظتا الجيزة والوادي الجديد نتيجة الشهادة الإعدادية 2025، والفرحة كانت كبيرة بين الطلاب وأولياء أمورهم خاصة مع نسبة النجاح العالية اللي حققها الطلاب السنة دي لو كنت من طلاب الإعدادية أو عندك حد في العيلة مستني النتيجة فأنت في المكان الصح، لأننا هنقولك إزاي تجيب نتيجتك بكل سهولة.
محافظ الجيزة المهندس عادل النجار ومحافظ الوادي الجديد اللواء محمد الزملوط، أعلنوا رسميًا نتيجة الشهادة الإعدادية للترم الأول 2025، ومن الأخبار الحلوة إن النتائج متاحة إلكترونيًا يعني تقدر تعرف نتيجتك وانت قاعد في بيتك، من غير ما تلف وتدور.
طلاب الجيزة يقدروا دلوقتي يدخلوا على الموقع الرسمي لمديرية التربية والتعليم علشان يشوفوا نتيجتهم بسهولة، نسبة النجاح في المحافظة وصلت لـ 85.90%، وده معناه إن 174,745 طالب وطالبة نجحوا من أصل 204,325 كانوا متقدمين للامتحانات و203,435 طالب حضروا الامتحانات فعليًا.
مش بس طلاب التعليم العام حتى طلاب القسم المهني حققوا نسبة نجاح عالية جدًا وصلت لـ 98.39%، بعد ما نجح 244 طالب من أصل 271 كانوا متقدمين للامتحان.
أما في محافظة الوادي الجديد فالنتيجة كمان كانت ممتازة، وحققت نسبة نجاح 93.9% حيث تقدم 5,151 طالب وطالبة للامتحانات ونجح منهم 4,822 طالب، مع غياب 13 طالب فقط، والأجمل إن 30 طالب حصلوا على الدرجات النهائية ونسبة النجاح في مدارس الإعدادي المهني والمكفوفين كانت 100%.
علشان تعرف نتيجتك بسهولة، كل اللي عليك تعمله هو:
دلوقتي مفيش داعي للقلق النتيجة متاحة للكل، ولو لسه مش عارف تجيب نتيجتك جرب تدخل على موقع مديرية التربية والتعليم أو تابع الأخبار الرسمية وألف مبروك لكل الطلاب الناجحين، وبالتوفيق للكل في الترم الثاني!