“معاشات فبراير قربت.. خلي بالك من الأسباب اللي ممكن توقف معاشك فجأة واعرف الحلول قبل فوات الأوان!”

فاضل 8 أيام بس على صرف معاشات فبراير بشكل رسمي لكل المتقاعدين وأصحاب المعاشات والمستفيدين منها لكن مع اقتراب معاد الصرف، ممكن البعض يواجه مشكلة في وقف المعاش الشهري من غير ما يعرف السبب، الموضوع ده بيخلي ناس كتير تسأل ليه المعاش ممكن يتوقف؟ قانون التأمينات وضح شوية حالات بيتم فيها وقف صرف المعاش، وهنوضحها بشكل بسيط في المقال ده.

حالات وقف معاشات فبراير

قانون التأمينات حدد أسباب واضحة لوقف صرف المعاشات، خصوصا لبعض المستفيدين زي الورثة الحالات دي ممكن تكون مش معروفة عند ناس كتير، عشان كده هنشرحها بالتفصيل:

اسباب وقف صرف المعاشات الشهرية

1. زواج المستفيدة من المعاش

لو البنت أو الأخت أو الزوجة اللي بتاخد معاش اتجوزت، المعاش بيتوقف عنها وفي الحالة دي، هيئة التأمينات بتصرف لها منحة اسمها “منحة الزواج”.

2. وفاة المستحق للمعاش

لو الشخص اللي بياخد المعاش توفى، صرف المعاش بيتوقف بشكل طبيعي.

3. بلوغ الابن الذكر سن 21 سنة

المعاش بيتوقف عن الابن أو الأخ لما يوصلوا سن 21، إلا لو كان عندهم عجز عن العمل أو بيكسبوا دخل ثابت، وكمان الطلاب اللي لسه بيدرسوا لحد سن 26.

4. زواج الأرملة أو الأرمل

في حالة زواج الأرملة أو الأرمل المستحقين للمعاش، المعاش بيتوقف بشكل تلقائي.

استثناءات وقف المعاش

• الشخص العاجز عن العمل بيستمر في صرف المعاش لحد ما يزول سبب العجز.
• الطلاب اللي لسه بيدرسوا لحد ما يتموا 26 سنة، سواء في التعليم العالي أو المتوسط.