“هتقبض وتتنغنغ بكره خلاص!.. كل تفاصيل مواعيد صرف مرتبات يناير وهل في زيادات جديدة تستناها؟”

مع بداية السنة الجديدة، بتبدأ الاستعدادات لصرف مرتبات يناير للعاملين بالدولة وموظفي القطاع الحكومي ووزارة المالية، باعتبارها الجهة المسؤولة عن الصرف، جاهزة للبدء في صرف أول مرتبات لعام 2025، في السطور الجاية، هنوضح مواعيد الصرف وكل التفاصيل المهمة.

موعد صرف مرتبات يناير 2025

مرتبات يناير مقرر صرفها يوم الأربعاء 22 يناير 2025، يعني بعد ساعات قليلة من اليوم الثلاثاء، وزارة المالية كانت قررت تبكير موعد الصرف المعتاد اللي بيكون يوم 24 من كل شهر ميلادي، وده عشان الموظفين يقدروا يحصلوا على مرتباتهم قبل عطلة نهاية الأسبوع، التبكير حصل لمدة يومين فقط.

صرف المتأخرات الخاصة بمرتبات يناير

بالنسبة للمتأخرات الخاصة بمرتبات يناير، الوزارة حددت مواعيد لصرفها، وهي أيام 5، 6، 8، و9 من نفس الشهر، دي المبالغ اللي بتكون متأخرة من مرتبات أو مستحقات معينة، وبتحرص الوزارة إنها توفرها في مواعيد محددة مسبقًا.

مواعيد صرف مرتبات فبراير 2025

أما بالنسبة لمرتبات شهر فبراير 2025، وزارة المالية أكدت إن الصرف هيبدأ يوم 23 فبراير، يعني التبكير هنا هيكون يوم واحد بدل ما يكون الصرف يوم 24 زي العادة، أما بالنسبة لمواعيد صرف المتأخرات لشهر فبراير، فهتكون في أيام 6، 9، و10 من الشهر نفسه.

هل في زيادات أو علاوات على مرتبات يناير؟

بخصوص الزيادات أو العلاوات على مرتبات يناير، الحكومة ما أعلنتش عن أي زيادات جديدة في الوقت الحالي،المرتبات هتتصرف على أساس آخر زيادة تم إقرارها، وهي الحد الأدنى للأجور اللي وصل لـ6000 جنيه، واللي تم تطبيقه من بداية السنة اللي فاتت، لحد دلوقتي، مفيش أي توجيهات من الحكومة أو الرئيس السيسي عن زيادات إضافية.

مرتبات يناير هي أول صرفية في السنة الجديدة، ووزارة المالية بتسعى إنها تكون دايما في الموعد عشان توفر الراحة للعاملين، لو في أي تحديثات تخص المرتبات أو أي قرارات جديدة، الوزارة هتعلن عنها بشكل رسمي.