“موعد صرف معاشات فبراير 2025 من الهيئة القومية للتأمينات الاجتماعية وطريقة الاستعلام عنها خطوة بخطوة.. كل اللي محتاج تعرفه!”

المعاشات الشهرية من أهم مصادر الدخل لعدد كبير من الأسر في مصر، خصوصا المتقاعدين لذلك، كل شهر يتابع الناس موعد صرف المعاشات علشان يقدروا يغطوا احتياجاتهم الشهرية، في المقال ده هنتعرف على موعد صرف معاشات فبراير 2025 وطريقة الاستعلام عنها إلكترونيا.

موعد صرف معاشات فبراير 2025

أكدت الهيئة القومية للتأمينات الاجتماعية إن مواعيد صرف معاشات فبراير 2025 هتكون زي كل شهر، ومفيش تغيير، المعاشات هتكون متاحة من يوم السبت 1 فبراير 2025 بعد التاريخ ده، يقدر المستحقين يسحبوا معاشاتهم من عدة أماكن زي:

• ماكينات الصراف الآلي (ATM).
• فروع البريد المصري.
• البنوك المعتمدة.

طريقة الاستعلام عن معاشات فبراير 2025 إلكترونيا

دلوقتي يمكن لأي شخص الاستعلام عن المعاش الكترونيا بسهولة، من غير ما يحتاج يروح الفرع أو أي مصلحة حكومية، لو عايز تستعلم اتبع الخطوات دي:

1. افتح محرك البحث وابحث عن الهيئة القومية للتأمينات الاجتماعية”.
2. ادخل على الموقع الرسمي واضغط على “الاستعلام عن المعاشات”.
3. هتروح لصفحة الاستعلام، وهتدخل البيانات المطلوبة زي (رقمك التأميني واسم المستفيد).
4. اختار “معاش شهر فبراير 2025” من الخيارات.
5. تأكد من البيانات وحاول تبص عليها كويس عشان ما يحصلش أي خطأ.
6. اضغط على “استعلام” وهتظهر لك تفاصيل المعاش بكل سهولة.

بكده تقدر تستعد لاستلام معاشك في الوقت المحدد، وكمان تعرف تفاصيله بسهولة من خلال الإنترنت.