الموبايلات دي مش هتعرف تستخدم واتساب تاني فيها هيقفل منك نهائي..تعالي اعرفك التفاصيل وايه اللي هيتم بعد كده عشان متعدش تعيط!

في خطوة جديدة لدعم الخصوصية والأمان، أعلنت واتساب، المملوكة لشركة “ميتا”، عن خططها لإيقاف التطبيق على بعض الهواتف القديمة، الخبر ده أثار قلق ناس كتير، خاصة إن واتساب يعتبر من أهم وسائل التواصل اليومية اللي محدش يقدر يستغنى عنها بسهولة.

الهواتف اللي هيوقف فيها واتساب

الشركة أكدت إن واتساب مش هيشتغل على الأجهزة اللي إصدارها أقدم من نظام iOS 12 بالنسبة لآيفون، وأقل من أندرويد 5.0 بالنسبة لهواتف أندرويد، ده معناه إن الأجهزة القديمة اللي مش بتدعم الأنظمة دي هتخرج بره نطاق الاستخدام، وده ضمن خطط الشركة لتحسين الخصوصية وحماية المستخدمين من أي اختراقات.

نصيحة لمستخدمي الأجهزة القديمة

لو جهازك إصدار قديم، الشركة بتنصحك إنك تفكر في الترقية لموبايل جديد يدعم الأنظمة الحديثة، كمان مهم تتأكد من تحديث نظام التشغيل على جهازك عشان تضمن استمرارية الوصول لتطبيقاتك المهمة زي واتساب.

الموعد النهائي

واتساب حددت يوم 5 مايو 2025 كموعد نهائي لتوقف التطبيق على الأجهزة اللي إصدارها قديم عشان كده، لازم تكون جاهز وتتصرف قبل التاريخ ده لو عايز تفضل متصل مع أصحابك وعيلتك.

واتساب مش بيعمل التغييرات دي عشوائي، لكنه بيحاول يحسن تجربة المستخدم ويحافظ على أمان بياناته فلو جهازك قديم، متتأخرش في اتخاذ خطوة الترقية عشان تفضل مستمتع بالخدمة.